Pispora Rojhilata Navîn Hemîde Yîgit, bal kişand ser komên girêdayî El Nusra û diyar kir ku ev kom li gotinên Tirkiyê guhdar nakin û wiha got: “Ev kom berdana çekan red dikin. Biryara berdewama cîhadê stendin. Her kêli dibe ku li Idlibê dest bi şer bikin.”
KOMÊN SELEFÎ HÊ LI IDLIBÊ NE
Komên çekdar ên girêdayi El Nusra yên Heyet Tahrir el Şam (HTŞ) ku diviyabûn heta 15’ê cotmehê ji Idlibê derkevin, hê jî derneketine. Komên HTŞ’ê roja yekşemê daxuyanî dan û diyar kir ku ‘Komên cîhadê wê ji daxwazên şer û cîhadê venegere’ û biryara xwe anîn ziman. Lê Tirkiye rahibê DYA Andrew Brunson serbest berda û Minbic xist rojevê û xwest ser vê rastiya li Idbilê bincil bike.
Pispora Rojhilata Navîn Hemîde Yîgit, bal kişand ser komên girêdayî HTŞ’ê û diyar kir ku ev kom li gotinên Tirkiyê guhdar nakin û wiha got: “Ev kom berdana çekan red dikin. Biryara berdewama cîhadê stendin. Her kêli dibe ku li Idlibê dest bi şer bikin. Diviyabû di 15’ê cotmehê de Idlib ji komên çekdar bihatina paqijkirin. Lê şensê Tirkiyê ku vê yeke bi ser bixe tune bû û tune ye. Ji ber komên çekdar niyeta wan tune dest ji çekan berdin. Komên Eniya Nusra, îtîfaqên HTŞ’ê Hurras el-Din, Nureddin Zenkî ku li herêmê bi hêz in û pirraniya herêmê di destê wan de ye, armanca wan tune dest ji çekan berdin. Tirkiye nikare gotinên xwe bi wan bide qebûlkirin. Ev kom berdana çekan red dikin. Tirkiye ji bo xwe li Sûriyê mayinde bike wê dîsa dem bixwaze. Ji ber ku Tirkiye bi armanca koman ji Idlibe derxe wê zextan li koman bike. Ev yek ji bo Tirkiye felaketa herî mezin e. Tirkiye ji bo xwe li Sûriyê mayinde bike wê her dem bi komên cîhadî gefan li Ewropa bixwe û gefan li Rojhilatê Firatê bixwe.”
Posta tê