Got “Kurdistan” rastî êrîşî hat

Li Civata Giştî ya Baroya Edeneyê ji bo ku got, ‘gerîla’ û ‘Kurdistan’ êrîşa nijadperest birin Parêzer Şiyar Rişvanoglu.
Li Civata Giştî ya Asayî ya Baroya Edenê ji ber ku got ‘gerîla’ û ‘Kurdistan’ êrîşa nijadperest birin ser parêzerê endamê ÇHD’ê Şiyar Rişvanoglu. Rişvanoglu li ser bêdengiya baroyê helwest nîşan da.
Li gorî nûçeya MA’yê, Rişvanoglu got, dema ku ew axiviye ‘parêzerên nijadperest’ bi ser wî de çûne û wiha dewam kir, ‘’Dema ku bi ser min de hatin, bi gotinên, ‘terorîst, PKK’yî, komunîst, Kurdistan ku der e lawo’ gef li min xwarin û gelek dijûn li min kirin.”
Rişvanoglu bal kişande ser bêhelwestiya Baroyê û got, “Ev cara pêşî ye ku tiştekî wiha bi serê me tê. Serokê Baroyê Parêzer Velî Kuçuk li hember vê rewşê deng ji xwe dernexist.”