TEV-DEM‘ê civînek ji şêniyên Efrînê yên li gundê Til Qerah ê navçeya Ehdas ê Şehbayê re li dar xist û pêşketinên dawî nirxand.
Tevgera Civaka Demokratîk (TEV-DEM) rêzecivînên xwe yên nirxandinên pêşketinên dawîn ji şêniyên kantona Efrînê yên li Şehbayê re didomîne. Di vê çarçoveyê de civînek li gundê Til Qerah ê navçeya Ehdas yê Şehbayê li dar xist.
Bi dehan welatiyên Efrînê di civînê de amade bûn.
Di civînê de Rêvebera Meclisa Kantona Şehbayê Newroz Kobanê di civînê de axivî û bal kişand li ser girîngiya berxwedanê ji bo rizgarkirina Efrînê û wiha got: “Divê şêniyên Efrînê ji bo rizgarkirina Efrînê têkoşînê bikin, ji ber ku tu kesek nayê û welatê me rizgar nake, mayîna me ya li Şehbayê di bin çadiran û kavilan de ji bo her kesî peyameke ku tu kes nikare îradeya gelê me bişkîne, ji ber ku em ji siyasetên wan ên qirêj xurttirin.”
Kobanê di berdewama axaftina xwe de, banga piştgiriya YPG û YPJ‘ê kir û wiha got: “Ev hêzanan wê Efrîn rizgar bikin, divê gel bi şervanên YPG û YPJ‘ê bawer bin ku wê Efrîn rizgar bikin. Rojane çalakî ji aliyê hêzên me ve li Efrînê têne kirin û derbe li dagirkeran dixin.”…ANHA
Em ê ji bo rizgarkirina Efrînê têkoşînê mezin bikin
