Meclîsa Jinan a HDP’ê, destnîşan kir ku tecrîda li ser Rêberê Gelê Kurd Abdullah Ocalan yekan e astengiya mezin a pêşiya aştiyê ye.
Meclîsa Jinan a Partiya Demokratîk a Gelan (HDP), encamnameya civîna Meclîsa Jinan a di dîroka 28’ê Îlona 2018’an de pêk hat ji raya giştî re parve kir.
Di encamnameyê de wiha hat gotin: “Krîza aborî û bandora krîzê ya li ser jinan, bi şerê li herêmê, tundî û şerê li dijî destkeftiyên jinan tên jiyîn ve girêdayî ye. Di vê çarçoveyê de hat gotin ku divê jin têkoşîna xwe mezintir bikin.”
Her wiha di encamnameyê de hat gotin: “Tecrîda li ser Rêberê Gelê Krud Abdullah Ocalan kûrtir dibe. AKP’a kuxwe li ser şer, dagirkerî û êrîşên li Sûriye û Rojhilata Navîn ava kiriye, êrîşên xwe yên li ser gelê Kurd berdewam dike. Tecrîda li ser Birêz Abdullah Ocalan bi awayekê sîstematîk her roja diçe mezintir dibe. Ev tecrîda li ser Ocalan belavî hemû civakî hatiye kirin. Ji bo ku rêyên demokratîk û aştiyane li welat bên vekirin, divê em li dijî tecrîda li ser Birêz Ocalan derkevin. Li dijî dijminantiya demokrasî û jinan, desthilatdariya zilam û faşîzmê, têkoşîn û berxwedan li hemû qadên jiyanê berdewam dike û wê bidome.”
Posta çûyî