لبيت منور بصحابه ما بدنا كهرباء

روناهي/ قامشلو ـ

صارت الشوارع تضوي ضوي بقامشلو ما شاء الله وكثر الله خير إدارتنا الموقرة ومن ساهم في تنوير شوارعنا، بس يا أخي العتمة جوات البيت أحلى  بالفعل جو رومنسي وغير شكل ونُورنا كافي ووافي، من سنوات وناطرين نشوف شوية ضوء والحمد لله شفناه بالشوارع، عقبال ما نشوفه ببيوتنا كمان، بس ما تطولوا ترى المدارس على الأبواب والشتوية كمان الله العليم كيف راح نقضيها مع مخصصات 300 ليتر مازوت؟، المهم وما بعرف يقولوا هناك نقاشات شبه جدية لوضع مولدات كبيرة تلبي حاجة المواطنين من الإنارة الكريمة، يا ترى راح يتنفذ المشروع؟ ولا المتضررين من المشروع من الحيتان وبائعي المولدات وألواح الطاقة راح يقنعوا المعنيين بأن الموجود خير من كل جديد وما راح يخلوا هل المشروع يُبصر النور، والكلام غير معمم طبعاً، يلا يلا نُورنا يكفينا وما بدنا كهرباء ولا أحلام وردية تفسد مزاجنا.