Zana Roj / Şehba
Tevgera Çand û Hûnerê ya herêma Efrînê li herêma Şehbayê, dewreya fêrkirina Nota mûzîkê bi dawî kir û xwendekar û mamosteyê ku beşdarî dewreyan bûn, bi şahiyekê xelat kirin.
Tevî rewşa şer û dorpêça ku koçberên Efrînê yên li Şehbayê tê re derbas dibin, rêxistina gel di tevahiya qadan de bi pêş dikeve. Yekem car piştî koçberkirinê, dewreyên fêrkirina Nota Mozêkê ku ji aliyê Tevgera Çand û Hunerê ya kantona Efrînê, li herêma Şehbayê hatibû destpêkirin bidawî bû.
Dewreya ku berî demekê bi tevlêbûna 45 xwendekaran dest pê kirîbû, di 18’yê Îlonê bi dawî bû. Bi boneya bidawîkirina her du dewreyan, li navenda çand û huner ya navçeya Ehdas ya Şehbayê û bi beşdarbûna bi sedan kes şahiyek hat li darxistin.
Li ser navê Tevgera Çand û Hûnerê ya herêma Efrînê Ismaîl Ehmed axivî û bidawîkirina dewreyê li tevahiya xwendekar û mamosteyan pîroz kir.
Ehmed bal kişan ser girîngiya dewreyên perwerdekirina mûzîkê û wiha got: “Di rewşa şer û dorpêça ku ku li ser gelê me yê herêma Şehabyê hatiye ferzkirin, çalakiyêk herî biçûk serkeftinek mezine. Lê boi îradeya xwe ya xurt, gelê me rojane serkeftinên bi çûk û mezin boidest dixin. Vekırına dewreên fêrkirina mozîkê pir girînge. Ji ber ku mirov bi mûzîk mûxateba dil û hestên gelê xwe deike. Herwiha pir girînge ku em hunera xwe bi reng û dengên cuda zengîn bikin û bidin pêş.”
Ismaîl Ehmed diyar kir ku gelê li Şehbayê bi sekin û îradeya xwe dibe birsiv ji êrişên dijmin re û axaftina xwe wih dewam kir: “Gelê me bi hebûn, sekn û îradeya xwe, dibe bersiva tevayiya êrişên ku li ser tê kirin. Dijminê me pir hov e, di vê di qonaxê de divê em bi hemû hêz û şaxên xwe yên civakî bibin hêza têkbirina hemû êrîş û pîlanên dagirkeriyê.”
Endamê Tevgera Çand û Hûnerê ya herêma Efrînê Ismaîl Ehmed da xuyakirin ku tevî derfetên kêm ew hewil didin ku mûzîka kurdî pêş bixin û axaftina wiha qedand: “tevî ku em di rewşa koçberiyê de ne û derfetên me jî kêmin, lê hewldanên me yên ji bo pêşxistina mûzka kurdî dfi asteke bilind dewam dikin. Em di wê baweriyê de ne ku hemû xwendekar û beşdarvanên ku tevlî vê gavê bûne, wê ji bo hunera kurdî serkeftinên mezin bi dest bixin.”
Di dawiya şahiyê de Tevger çand û Hûnerê xwendekar û mamosteyên ku tevî dewreê bûne, xelat kirin .
