Di çend salên borî de çandina bacanên reş pêş ketiye û êdî li sûkên herêmî bi bihayê guncaw peyda dibin.
Piştî mewsima genim û ce, cotkarên bakur û rojhilatê Sûriyê dest bi çandina bacanên reş ku çandina wan li herêmê di çend salên dawî de pir pêş ketiye, kirin.
Cotkarê bi navê Şahîn Ismaîl Mûsa yê ji navçeya Tirbespiyê diyar kir ku bacanên reş çandin ji ber ku xwedî girîngiyeke mezin in û di sûkên herêmî de pir tên xwestin.
Mûsa da zanîn ku sala borî çandina bacanên reş li herêmê wisa kir ku ti carî bacanên reş ji derveyî herêmê nekirin û bi taybetî ji ber ku herêm dorpêçkirî ye û dergehên mirovî girtî ne.
Şahîn Ismaîl Mûsa bi domdarî wiha got:” Piştî çinîna mewsima genim û ce ya havînê, em du caran erd diajon da ku axa wê baş bibe. Pişt re, em şitilên bacanan datînin.”
Mûsa da xuyakirin ku pêwîstiya bacanên reş bi baldariyê heye û divê mirov baş xizmetê bike.
Mûsa bang li Rêveberiya Xweser ya bakur û rojhilatê Sûriyê kir ku dermanên mêşûmoran û semadê ji cotkaran re peyda bikin.
Li gorî komîteya çandinyê, li navçeya Tirbespiyê erdên ku îsal bacanên reş tê de hatine çandin gihîştiye 550 donimî û jimara wan rojbiroj pirtir dibe. Komîteya çandiniyê herwiha mazot û semadê dide cotkaran.
ANHA