{"id":68187,"date":"2024-05-15T09:49:52","date_gmt":"2024-05-15T07:49:52","guid":{"rendered":"https:\/\/ronahi.net\/ku\/?p=68187"},"modified":"2024-05-15T09:49:52","modified_gmt":"2024-05-15T07:49:52","slug":"analiza-deruni-li-gori-sigmund-fireud","status":"publish","type":"post","link":"https:\/\/ronahi.net\/ku\/?p=68187","title":{"rendered":"Anal\u00eeza Der\u00fbn\u00ee Li Gor\u00ee S\u00eegmund Fireud"},"content":{"rendered":"

Bilind D\u00eebo<\/strong><\/p>\n

Ji destp\u00eaka hatina mirov weke afr\u00eendineki li ser ruy\u00ea erd\u00ea, herdem gav\u00ean pir balk\u00ea\u015f d\u00ea av\u00eat\u00ean ji bo may\u00eena xwe \u00fb xweparastina xwe ji diyardey\u00ean dervey\u00ee, l\u00ea heger mirov ji xwe bipirse gelo \u00e7awa zan\u00ee b\u00fb ew diyarde metirsiyek\u00ea ji can\u00ea wan re \u00e7\u00eadike? Weke kodek\u00ee b\u00fb, ango refl\u00eaksa may\u00eena lawir\u00ee b\u00fb?<\/p>\n

Di van mijar\u00ean balk\u00ea\u015f de zanist be\u015feke xwe li p\u00ea\u015f dixe bi nav\u00ea Anal\u00eeza der\u00fbni ya kesayet derdixe hol\u00ea \u00fb li p\u00ea\u015f dixe. Ji xwe di v\u00ea be\u015f\u00ee de gelek zanyar xwe binav dikirin l\u00ea zanyar\u00ea ku her\u00ee bandora raman\u00ean w\u00ee li v\u00ee be\u015f\u00ee kir, zanyar\u00ea Nemsaw\u00ee Sigmund Freud b\u00fb.<\/p>\n

Freud di sala 1856\u2019an de li Pir\u00eebor ya k\u00fb gir\u00eaday\u00ee \u00c7ekya\u00a0 day\u00eek dibe. Di dema xwendina xwe ya zan\u00eengeh\u00ea de, dixwest be\u015f\u00ea zanist\u00ean xwezay\u00ee bixw\u00eene l\u00ea ji ber ola w\u00ee ya Cih\u00fbtiy\u00ea, neb\u00fbna derfeta dest bi xwendina bij\u00ee\u015fk\u00ee dike.<\/p>\n

Di sala 1881\u2019an de biser ket \u00fb ji ber hin bandor\u00eey\u00ean derve, dest bi xwendina be\u015f\u00ea F\u00eezyoloj\u00eek \u00fb nexwe\u015fiy\u00ean der\u00fbn\u00ee dike. Mamostey\u00ea k\u00fb ev perwerde dikir Dr. Can \u015earkot b\u00fb. Di dema perwerdeya xwe de \u00fb dijber\u00ee gelek ner\u00een\u00ean sereke, Freud bidest xist ku \u201cAjo\u00eeyar\u00ee ya mirov ne nexwe\u015fiyeke f\u00eezyoloj\u00eeke\u201d. Pi\u015ft\u00ee p\u00ea\u015fxistina v\u00ea n\u00ear\u00eene berdewam dike bi \u00e7\u00eakirina D\u00eenam\u00eekiya Der\u00fbn\u00ee. Wiha tan\u00ee ser ziman\u00a0 “ev d\u00eenam\u00eeke ne berbi\u00e7ave \u00fb em nikarin bib\u00eenin, l\u00ea weke enerjiyek\u00ee potansiyale ku xwed\u00ee bandorek\u00ea pir mezine.<\/p>\n

Ji bo naskirina v\u00ea enerjiy\u00ea, Freud h\u00eepnot\u00eezim (xewda birin) bi kar t\u00eene l\u00ea di bikaran\u00eena xwe de, k\u00eamasiyake mezin t\u00ea de dib\u00eene ku h\u00eepnot\u00eezim w\u00ee nagh\u00eene hi\u015f\u00ea bin hi\u015f l\u00ea seransere ye \u00fb ne her kes dikeve bin bandora w\u00ea de. Di dawiya bikar an\u00eena v\u00ee \u015f\u00eawaz\u00ee Freud weke henek p\u00eakirin\u00ea dib\u00eene \u00fb soz bi xwe re dide \u00fb nema bikar t\u00eene.<\/p>\n

Ev b\u00fb weke xala hizir\u00een\u00ea ji bo Freud, l\u00ea gelo k\u00ee b\u00fb sedema v\u00ea guher\u00een\u00ea?\"\"<\/p>\n

Nexwe\u015f Ana O:<\/p>\n

Nexwe\u015feke jin b\u00fb ku di w\u00ea dem\u00ea de bi ajo\u00eeriya hate h\u00eepnoz kirin \u00fb r\u00eabaz\u00ea hipnosis li ser b\u00ea bandor b\u00fb. Di vir de Freud r\u00eabazeke n\u00fb bi kar an\u00ee bi al\u00eekariya zanista xwe \u201cAnal\u00eeza Der\u00fbn\u00ee\u201d bi nav\u00ea dan\u00fbstandina azad l\u00ea kir \u00fb di v\u00ee r\u00eabaz\u00ee de nexwe\u015f her ti\u015ft\u00ea ku t\u00ea liser ziman\u00ea w\u00ee dib\u00eaje, ne gir\u00eenge \u00e7iqas\u00ee ev b\u00fbyer\u00ean ku t\u00ean gotin mezin bin an j\u00ee bi\u00e7\u00fbk bin l\u00ea div\u00ea ku werne gotin \u00fb kes\u00ea guhdar dike tu t\u00eabin\u00ee l\u00ea neke.<\/p>\n

Freud di vir de \u00fb bi v\u00ee r\u00eabaz\u00ee pirsgir\u00eak\u00ean ku di binhi\u015f\u00ea mirov de mane \u00fb nikare r\u00fb bi r\u00fb dijber\u00ee wan b\u00ea r\u00fbtiy\u00ea bike, dihatin ki\u015fandin hi\u015f \u00fb bi vir de bi al\u00eekariya\u00a0 bij\u00ee\u015fk dihatin \u00e7areserkirin.<\/p>\n

Di destp\u00eaka niv\u00eesandin\u00ean xwe de \u00fb l\u00eager\u00een\u00ean ku li ser be\u015f\u00ea xwe kir, piraniya sedem\u00ean tevgera mirov gir\u00eadide bi hi\u015f\u00ea binhi\u015f \u00fb giringiyeke pir mezin dide v\u00ea xal\u00ea. P\u00eanaseyek\u00ea jira dide xuyakirin \u00fb j\u00ea re dib\u00eaje \u201cAjo\u201d \u00fb li gor\u00ee du xalan dabe\u015f dike \u00fb bi tevah\u00ee dibin du cure j\u00ea re, ew j\u00ee:<\/p>\n

Eros: Weke watey\u00ea dibe ajoa jiy\u00een\u00ea, an j\u00ee may\u00een. Dema ku Freud m\u00eenak li ser t\u00eene, dibeje ew ti\u015ft\u00ean ku may\u00eena mirov dipar\u00eazin weke: b\u00eahn standin, xwarin, vexwarin, cins \u00fb bigi\u015ft\u00ee aliy\u00ea ku xwe\u015fiya mirov z\u00eade dike.<\/p>\n

Thantos: Ev j\u00ee t\u00ea dijber\u00ee Eros \u00fb weke ajoa mirin\u00ea t\u00ea naskirin, an j\u00ee birdoz\u00ee ya mirin\u00ea. Freud digot mirov bi tevah\u00ee ev ajo li cem peyda dibe heta di mirov\u00ean ku ji wan re digot saxlem an j\u00ee h\u00eal ji hem\u00ea aliyan ve, ev ajo derdikeve li cem mirov di away\u00ea her\u00ee xwezay\u00ee dema ku em xwarin\u00ea dixwin \u00fb di ber diran\u00ean xwe de jev dixin. L\u00ea li cem mirov\u00ean cuda \u00fb neh\u00eal, dema ku Thantos aliyek\u00ee mezintir bandora xwe liser jiyana w\u00ee dike, destp\u00eadike ku hin raman\u00ean weke: xwe-kulkirin an j\u00ee derdora xwe xerab bike, ku\u015ftin \u00fb xwe-ku\u015ftin \u00fb gelek rew\u015f\u00ean ku ji ber berevaniy\u00ean hers buy\u00een\u00ea \u00fb der\u00fbn\u00ee xwe didin xuyakirin weke di herdu te\u015fey\u00ean, ew j\u00ee:<\/p>\n

Sad\u00ee: Ew kes\u00ean ku xwe\u015fiyek\u00ea dib\u00eenin dema ku kes\u00ea li p\u00ea\u015fiya xwe bi\u00ea\u015f bikin \u00fb xwe b\u00eahtir diderbir\u00eene dema cins de.<\/p>\n

Maz\u00fbx\u00ee: Dijber\u00ee w\u00ea, kes\u00ean ku xwe\u015fiy\u00ea dib\u00eenin dema ku kes\u00ea li p\u00ea\u015fiya wan dide \u00ea\u015f\u00ea. D\u00eesa j\u00ee di dema cins de xwe xurtir diyar dike \u00fb zelal dike.<\/p>\n

Sedema derketina hin ajoy\u00ean mirin\u00ea (Thantos) li cem mirov di dema cins de, ji ber ku karek\u00ee li gor\u00ee ku Freud \u015f\u00eerove dikir karek\u00ee weke-lawir\u00ee ye \u00fb t\u00eade mirov vedigere lawir berevaniya exlaq\u00ee li cem divemir\u00ea, l\u00ea ev berevan\u00ee \u00e7i ye \u00fb \u00e7awa ye? Ji \u00e7i p\u00eak t\u00ea? Gelo tu berevaniy\u00ean ji bil\u00ee van heye \u00fb ger hebin, \u00e7ine?<\/p>\n

Ev pirs dikevin ser\u00ea gelek mirov\u00ean di w\u00ea dem\u00ea de \u00fb Freud bi riya teoriy\u00ean xwe van pirsan zelal dike \u00fb \u015f\u00eerove dikeTeoriy\u00ean Sigmound Freud:<\/p>\n

Mijara yekem\u00een ya ku Freud liser diaxiv\u00ee binav\u00ea tobografiya kesayet\u00ee.<\/p>\n

Dabe\u015f dikir li ser s\u00ea be\u015fan ew j\u00ee: Hi\u015f, Bin Hi\u015f \u00fb ber\u00ee hi\u015f.<\/p>\n

Hi\u015f an j\u00ee hesandin (P\u00eahisandin) ew raman\u00ean ku ji aliy\u00ea mirov de t\u00ean zan\u00een \u00fb bib\u00eerbirin weke: Germah\u00ee, cemidandin, d\u00eetin, bih\u00eestin \u00fb hwd.<\/p>\n

Di be\u015feke xwe de j\u00ee t\u00ea de bib\u00eeran\u00eena b\u00fbyer\u00ean n\u00eaz\u00eek j\u00ee dinava xwe de dihew\u00eene.<\/p>\n

Di wateyeke d\u00ee, ew kar\u00ean ku mirov bihi\u015f\u00ea xwe dike \u00fb p\u00ea dibih\u00eeze.<\/p>\n

Ber\u00ee hi\u015f: B\u00eeran\u00een\u00ean ku mirov dikare bikar b\u00eene weke qene kirinek\u00ea an j\u00ee tistek\u00ea.<\/p>\n

Bin hi\u015f: Be\u015f\u00ea her\u00ee mezin ji mejiy\u00ea mirov e, bi gi\u015ft\u00ee b\u00fbyer\u00ean ku bi mirov re \u00e7\u00eadib\u00fbn di zarokt\u00ee ta mirin\u00ea t\u00ea de bicih dibe, ajoy\u00ean ne normal, ajoy\u00ean her\u00ee k\u00fbr \u00fb be\u015f\u00ea xwed\u00ee her\u00ee metirst\u00ee j\u00ea t\u00ea kirin.<\/p>\n

Xwep\u00ea\u015fandana liser mirov bi away\u00ea xewin, b\u00eahi\u015fkirin, xeyal \u00fb li gor\u00ee Freud gotin\u00ean b\u00eahemd\u00ee derdikevin hol\u00ea. Enerjiyeke w\u00ea ya pir mezin heye hin kunan derdikevin \u00fb ligor\u00ee Freud xewin r\u00eaya wan ya z\u00ear\u00eene.<\/p>\n

Eger pirsgir\u00eak di vir de derdikevin, div\u00ea mirov biriya r\u00eabaz\u00ea Freud van pirsgir\u00eakan ji bin hi\u015f derxin \u00fb kar\u00eebin bi hi\u015f\u00ea xwe \u00e7areser bike.<\/p>\n

Mijara duyem\u00een liser xwe \u00e7\u00eakirina der\u00fbn\u00ee.<\/p>\n

Ligor\u00ee Freud, xwe\u00e7\u00eakirina der\u00fbn\u00ee liser s\u00ea be\u015fan t\u00ea dabe\u015fkirin:<\/p>\n

Yekem\u00een be\u015f binav\u00ea (Xwe) an j\u00ee (Ego) t\u00ea naskirin. Di v\u00ee be\u015f\u00ee de Ego mirov bixwe ye, an j\u00ee ew deng\u00ea ku dijberiya dinava kes de sererast dike.<\/p>\n

Duyem\u00een be\u015f ku Freud liser axiv\u00ee b\u00fb binav\u00ea (Xweya Bilindtir\u00een) an j\u00ee (Super Ego) t\u00ea naskirin. Ev deng\u00ea tame, t\u00earker \u00fb b\u00eaqis\u00fbre. Bi wateyeke din, weke deng\u00ea exlaqiye li cem kesayet \u00fb bi nav\u00ea wijdan j\u00ee t\u00ea naskirin.<\/p>\n

S\u00eayem\u00een be\u015f \u00fb ya ku her\u00ee bibandor \u00fb xwed\u00ee siyeke mezin liser kesayet\u00ee heye binav\u00ea (Ew) an j\u00ee (Id) t\u00ea naskirin. Ajon e, \u00e7i may\u00een be, \u00e7i mirin be \u00fb \u00e7i xwe\u015f\u00ee be. Li gor\u00ee ku Freud \u015f\u00eerove dike \u00fb dib\u00eaje: \u201cId, xwezaya mirov e. ne rast e \u00fb ne \u015fa\u015f e, l\u00ea xwezaye\u201d. Eger em j\u00ee gotina Freud j\u00ee \u015f\u00eerove bikin t\u00ea wateya deng\u00ea lawir\u00ee, (li gor\u00ee civaka me) neba\u015f\u00ee \u00fb gelek nav\u00ea ku xwe ji modern\u00eet\u00ea d\u00fbr dixin, l\u00ea em d\u00eesa j\u00ee nikarin bib\u00eajin tam \u015fa\u015f\u00eet\u00eene, ji ber ku em van her s\u00ea be\u015fan jev qut bikin w\u00ea gelek pirsgir\u00eak ji me re derkevin hol\u00ea.<\/p>\n

Hin m\u00eenak di rojaneya me de derdikevin weke dema mirov bi \u015f\u00eawayek\u00ee xwarin\u00ea ji xwe re destn\u00ee\u015fan kiriye ji bo ku bikare hin ji giraniya xwe k\u00eam bike, w\u00ea dengek\u00ee dinava xwe de bike ku j\u00ea re dib\u00eaje: M\u00eenak, em w\u00ea xwarin\u00ea b\u00eahtir bixwin, pir xwe\u015fe b\u00eahna w\u00ea, de ka gepek\u00ee j\u00ea bide. Ev deng\u00ea Id e, ajoye, dixwaze xwe\u015fiya xwarin\u00ea \u00fb j\u00ea re ne p\u00eaw\u00eeste ku pi\u015ft\u00ee w\u00ea \u00e7i \u00e7\u00eabibe, l\u00ea div\u00eat ev kes weke lawireke b\u00ea ser \u00fb ber be. Dengek\u00ee di derdikeve \u00fb bi away\u00ea dijber w\u00ee kes\u00ee d\u00fbr\u00ee xwarin\u00ea dike, bi \u00e7i away\u00ee be j\u00ee, l\u00ea div\u00ea ew kes w\u00ea gep\u00ea nexwe. Eger wilo deng hebin di ser\u00ea mirov de d\u00ea \u00e7awa kes jiyan bike?<\/p>\n

Di vir de deng\u00ea her\u00ee xurtir (li cem kes\u00ea h\u00eal) deng\u00ea xwe derdixe \u00fb v\u00ea \u00e7aren\u00fbs\u00ea bi awayek\u00ee d\u00eeplomat\u00eek \u00e7areser dike \u00fb ji w\u00ea xwarin\u00ea, d\u00ea gepek\u00ee bide \u00fb bisekine, ew j\u00ee Ego ye, l\u00ea eger \u015fa\u015f\u00eetiyeke di deng\u00ea xurttir\u00een de hebe, d\u00ea \u00e7i \u00e7\u00eabe?<\/p>\n

Te\u015fey\u00ean gir\u00eaday\u00ee v\u00ea be\u015f\u00ea ji aliy\u00ea der\u00fbn\u00ee ve:<\/p>\n

Ego\u00a0\u00a0\u00a0\u00a0\u00a0 Id\u00a0\u00a0\u00a0\u00a0\u00a0\u00a0\u00a0\u00a0 Super Ego\u00a0\u00a0\u00a0\u00a0\u00a0\u00a0\u00a0 Encam<\/p>\n

+\u00a0\u00a0\u00a0\u00a0\u00a0\u00a0\u00a0\u00a0\u00a0 –\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 –\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Mirovek h\u00eal ji hem\u00fb aliyan ve<\/p>\n

–\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 +\u00a0\u00a0\u00a0\u00a0\u00a0\u00a0\u00a0\u00a0\u00a0 –\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Nexwe\u015fiy\u00ea weke Hypochondria (psychosis)<\/p>\n

–\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 –\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 +\u00a0\u00a0\u00a0\u00a0\u00a0\u00a0\u00a0\u00a0\u00a0 Nexwe\u015fiy\u00ea weke OCD \u00fb N\u00eegiran\u00ee (Neurosis)<\/p>\n

Mirov\u00ea nexwe\u015f nab\u00eaje ez nexwe\u015fim, l\u00ea dij\u00ee v\u00ea hizirandina v\u00ee \u00fb bikaran\u00eena hin r\u00eabaz\u00ean xweparastin\u00ea, nexwe\u015fiya xwe weke saxlemiyek\u00ea dib\u00eene.<\/p>\n

R\u00eabaz\u00ean xweparastin\u00ea ji mirov heta mirovek\u00ee d\u00ee cuda dibe, l\u00ea di cewher de bi gi\u015ft\u00ee ji bo ti\u015ftek\u00ee t\u00ean bikaran\u00een, ew j\u00ee guhertina be\u015fek ji rastiy\u00ea, ne p\u00eaw\u00eeste bi k\u00eejan al\u00ee be j\u00ee, bi awayek\u00ee gi\u015ft\u00ee dibin du be\u015f: H\u00eal \u00fb Neh\u00eal.<\/p>\n

Dema ku kesayet bi aliyek\u00ee h\u00eal \u00fb bi v\u00een a xwe bipar\u00eaze ji diyardey\u00ean dervey\u00ee, r\u00eabaz \u00fb away\u00ea reflexa w\u00ee d\u00ea di pir\u00ean caran de bi encameke poz\u00eet\u00eev be, ji ber ku di gelek r\u00eabazan da, dema ku mirov v\u00ee away\u00ee bikar t\u00eene, rastiya li derdora xwe dipejir\u00eene \u00fb li gor\u00ee w\u00ea gav\u00ean guncaw liser t\u00ean kirin. Away\u00ea xweparastin\u00ea di jiyana me ya bihi\u015f de gelek caran derbas dibe weke r\u00fbbir\u00fbkirina pirsgir\u00eak\u00ea, xweki\u015fandin, guhertina r\u00ea an rakirina kelema liser riya kes. Di piraniya xwe de, t\u00ea b\u00eera mirov \u00e7awa di riya xwe de gav av\u00eatin \u00fb \u00e7awa lip\u00ea\u015f ket \u00fb \u00e7areserkirina pirsgir\u00eak\u00ean hey\u00ee, ne karek\u00ee ne qet \u00fb q\u00fbt \u00e7\u00eanabe, zehmet\u00ee j\u00ee ger derbas bibin, mirov bihi\u015fe liser wan, l\u00ea heger rojek\u00ea mirov li derdora xwe m\u00eaze bike \u00fb bib\u00eaje: Ez \u00e7awa giha\u015ftim v\u00ea merhel\u00ea…<\/p>\n

Di vir de pirsgir\u00eak ji nav dest\u00ea mirov derdikeve \u00fb derbas\u00ee aliyek\u00ee kompl\u00eak dibe ku nikare bi awayek\u00ee rasterast \u00e7areser bike.<\/p>\n

Away\u00ean xweparastin\u00ea, dema ku bi al\u00eekariya binhi\u015f t\u00ean hev peywend\u00ee kirin, weke hi\u015f encam w\u00ea ne poz\u00eet\u00eef be, dijber\u00ee w\u00ea. Enerjiyek mezin ji der\u00fbniya mirov t\u00ea xwestin ku b\u00fbyeran liser rastiya wan ne pejir\u00eene \u00fb wan dinava binhi\u015f\u00ea xwe de ve\u015f\u00eare an j\u00ee biqewit\u00eene, \u00fb ji ber xwegiriya v\u00ea qewitandin\u00ea \u00fb hin caran derketina w\u00ea bi riyek\u00ee ku \u00e7argo\u015fe ye k\u00ea bi xwe re derdixe, ji bil\u00ee \u00ea\u015fa f\u00eez\u00eek\u00ee \u00fb der\u00fbn\u00ee li kesayet nake \u00fb dibe sedema derketina hin nexwe\u015fiy\u00ean der\u00fbn\u00ee li ser kes bixwe weke: D\u00een\u00eet\u00ee \u00fb d\u00eetina hin buyer\u00ean dervey\u00ee rast\u00eey\u00ea an j\u00ee bih\u00eestina wan ra bi ziman\u00ea bij\u00ee\u015fk\u00ee dib\u00eajin jira dib\u00eajin sketsofrenya.<\/p>\n

Mijara s\u00eayem\u00een, bi navdariya xwe ya bilind \u00fb agahiyen xwe y\u00ean bi awayek\u00ee p\u00ea\u015fke\u015f kirin. B\u00fb weke mijarek ku ji gelek aliyan ve hate rexnekirin \u00fb nepejirandin, l\u00ea \u00e7iqas\u00ee di cewher\u00ea xwe de rastiyeke w\u00ea heye, ev j\u00ee b\u00fb mijara zanyar\u00ean der\u00fbnasiy\u00ea.<\/p>\n

Lib\u00eedo t\u00eageheke ku cara yekem Freud bikar an\u00ee.\u00a0 Peywend\u00eeya v\u00ea peyw\u00ea ajoya cins\u00ee gir\u00eada \u00fb kir weke hankar ji mirov re ji hem\u00fb aliyan ve, pi\u015ftre t\u00ea guhertin \u00fb dibe xwestina xwe\u00e7iy\u00ea bi gi\u015ft\u00ee.<\/p>\n

Lib\u00eedo li gor\u00ee Freud ji destp\u00eaka \u00e7\u00eab\u00fbna mirov heya roja mirina mirov guhertin t\u00ea de \u00e7\u00eadibe, l\u00ea cewher ewe \u00fb nay\u00ea guhertin. Li gor\u00ee sala dabe\u015f dike \u00fb d\u00eesa j\u00ee heger ne vek heviyek di p\u00eavajoyek\u00ea de derkeve \u00fb par\u00e7eyek ji der\u00fbniya mirov t\u00ea de were tewatkirin, weke gir\u00eake k\u00ea di \u00e7\u00eab\u00fbna kesayet\u00ee de \u00e7\u00eadibe.<\/p>\n

P\u00eavajoy\u00ean guhertina Lib\u00eedo li gor\u00ee sal\u00ean jiyana mirov:<\/p>\n

P\u00eavajoya dev an devok\u00ee: (Ji Dayikbun\u00ea heya yek \u00fb n\u00eev sal\u00ee y\u00ea)<\/p>\n

Lib\u00eedo di van salan de bi away\u00ea naskirina derdora zarok bi riya dev\u00ea xwe, xwe\u015fb\u00fbnek\u00ea dib\u00eene dema ku \u015f\u00eer\u00ea d\u00ea vedixwe \u00fb singa w\u00ea dimij\u00eene.<\/p>\n

Gir\u00eak\u00ean ku ji v\u00ea p\u00eavajoy\u00ea derkeve, bandora xwe liser k\u00eejan kesayet dih\u00eale \u00fb r\u00eabaza jiyana v\u00ee\/\u00ea carnan li gor\u00ee t\u00earbuy\u00eena v\u00ea gir\u00eak\u00ea xwe dib\u00eene.<\/p>\n

Di v\u00ea p\u00eavajoy\u00ea de j\u00ee, dema zarok dest\u00ea xwe \u00fb bi taybet tiliya xwe ya mezin dimij\u00eene, be\u015f\u00ea m\u00eaj\u00ee y\u00ea liser xwe\u015fiy\u00ea disekine, dikeve mer\u00eeyet\u00ea; Lib\u00eedo z\u00eade dibe.<\/p>\n

Kompl\u00eaks\u00ean v\u00ea qonax\u00ea, bi te\u015feya kar\u00ean ku dev di wan de t\u00ea bikaran\u00een, di meznahiya kes de xwe didin diyarkirin, weke, Xwarian z\u00eade, vexwaria alkol\u00ea, ki\u015fandina \u00e7ixaran \u00fb pirb\u00eaj\u00ee.<\/p>\n

Nexwe\u015fiyek j\u00ee xwe diyar dike bi nav\u00ea P\u00eeka an Payka \u00fb t\u00ea de, nexwe\u015f dixwaze gelek ti\u015ft\u00ean ku nay\u00ean xwarin, bixwe.<\/p>\n