Daxuyaniya Kawa Ezîzî û sergêjiya ENKS`ê!

107

“JI NÊZ VE”

Ednan Mustafa

Insyatîfa QSD`ê ya ji bo destpêkirina diyaloga di navbera PYNK û ENKS`e de, salek li pişt xwe hişt. Bê gûman di va qûnaxa derbasbûyî de gelek xalên ku li ser nîqaş pêşketin. ji van xalan wek perensîb lihevhatinek çêbû û nav lê hat kirin, qûnaxa yekemîn ji hevdîtinan. Di qûnaxa du`yem a ji hevdîtinên di navbera herdu aliyan de, her çiqas etmosferek erênî derxist holê jî, lê di bingeha xwe de gelek nîqaş, gengeşe û nakokî derketin ser rûyê erdê. Lê di esas de aliye ku yekîtî dixwez û di çarçoveya civaka kurd de yekbûna Gelê Kurd daye avakirin û weke pirojeyek siyasî ya xweseriya demokratîk pêşkêş kirî diyar bûye. Aliyê din jî ku her gave bi hincetên cûda, bi daxwazên cûda weke ku erbane xistine pêşiya hespê naxwezin ev yekîtî pêş bikeve derketiye hole.`

“Çima ENKS Yekîtiyê Naxweze”

Enks`ê di va pêvajoya derbas bûyî de gelek hewildan kir ku va diyalogê helweşîne û nebe serî, lê ji ber beşek ji vê diyalogê weke Emerîka û Firanse xwe gerantorê vê yekîtiyê dane nîşandin, dibe sedem ku bi eşkeryî nikarin diyalogên xwe bi PYNK re bi dawî bikin. Ji ber vê yekê bi şertên tacîzî û dûrî aqil her gave ev xistin rojeva hevdîtinan. Wek mînak bidawî anîna perwerdeya Kurdî, dij erka xweparastinê derketn û di sîstema hevserokatî û derbazbûna (leşkerên roj) ji Rojava re weke mercên sereke dide îfade kirin. Çawa ku Roj ji me ve xûyaye, ev daxwazên ENKS`e jî ne daxwazên bi tewafiqên hûndrîn, beşek ji ENKS`e ku ji rastiya civaka Kurd û rastiya Şoreşa Rojava dûr û bi ecindeyên aliyên derve û PDK`e van daxwazan ferz dikin. Di heman çarçoveyê de zexta opizîsyona Sûrî û rayedarên Tirk beşek ji van zextên li ser ENKS`e ye ku li Bakur- Rojhilatî Sûrî yekîtiya Gelê Kurd neyê saz kirin.

“Sergêjiya ENKS’ê”

Daxuyaniyên dawî ku ji aliyê nûnerê Emerîka ji bo pêkanîna diyalogê diyar kiribû ku yekîtî bê ENKS`ê jî dibe, vê yekê him di ENKS`e de him jî di PDK`e de sergêjiyek da avakirin, ji lewre di serî de rayedarên PDK`e ketin hewildanê ku çawa bingeha xerab kirina vê diyalogê avabikin, ji bo vê jî hin gav avêtin. Gava yekemîn di dema serdana nûnerê Emerîka Deyvd Brawnshten ji herêma Kurdistan re, serokê PDK`e Mesûd Berzanî û kurê wî serokê Hikûmetê Mesrur Berzanî di van hevdîtinan de şertê yekemîn ku dane diyar kirin, derketina PKK ji Rojava bû. Ji dewla ku piştgirî û hêz bidin diyalokê, PKK`e xistin rojeva Emerîka şerta du`yem Di heman çarçoveyî de, rê dan faşizma Tirk ku li dijî  şervanên PKK`ê li herêma Kurdistan li rex Tirkan ref girtin.

“Daxuyaniya Ezîzî ne ji rêzê ye”

Ev hewildanên ku li jor me bi lêvkirin li aliyekî, daxûyaniya serkerteyê ENKS`e Kawa Azîzî bi riya ARK TV di esasê xwe de niyeta ENKS’ê derxist holê. Tişta ku PDK`e û ENKS`e ferz dikir “yan wek min, yan jî xerab kirin”, nikar bi serxista vê care bi kesekî weke KAWA Azîzî dane gotin û ew derxist ser ekranê û bi zimanekî hîn zelal û vekirîtir banga ŞERÊ NAVXWYÎ LI ROJAVA kir. Bi vê yekê tê nekir, rêveberê şandeya PYNK`e Aldar Xelîl tehdîd kir. Dema Azîzî dibêje ku ma qey dibançeyek me jî nine ku em şer bikin?, ma qey em jî nikarin navebdên wan bişewitînin? Gelo ev vexwendineke ji şer re li Rojava ye?