Ji bo şehîdê berxwedana Garê Seydo Refîq merasimek hat lidarxistin

37

Meclisa Malbatên Şehîdan ya kantona Efrînê ji bo şehîdê berxwedana Garê Seydo Refîq (Hogir Neasan) merasimek li dar xist.
Meclisa Malbatên Şehîdan ya Kantona Efrînê bi merasimekê nasnameya gerîlayê HPG’ê Seydo Refîq (Hogir Neasan) ku di berxwedana Garê de şehîd bûye eşkere kir. Merasim li qada kampa Serdemê ya navçeya Ehdasê ya kantona Şehba bi amadebûna bi hezaran şêniyên herêma Efrînê hat lidarxistin.
Piştî rêzgirtinê endamê rêveber yê Meclisa Malbatên Şehîdan Fewzî Mistefa sersaxî ji malbata şehîd Seydo û tevahî şêniyên Efrînê re xwest û behsa berxwedana dîrokî a ku gerîlayên HPG’ê li Garê raber kirine ku planên dagirkeriya Tirk têk birin, kir.
Hevseroka Meclisa Rêveber ya Herêma Efrînê Şîraz Hemo li ser têkçûna dewleta tirkî di berxwedana Heftanînê û Eyn Îsayê de axivî û diyar kir ku dewleta tirkî ya dagîrker bi hevkariya PDK’ê xwest Garê dagîr bike, lê bi saya berxwedana gerîlayan planên wan têk çûn.
Endamê Komîteya Perwerdeya Civaka Demokratîk ya kantona Efrînê Mihemed Mistefa nasnameya şehîd Seydo xwend û radestî malbata wî kir.
ANHA