Gaveke nû ji bo aboriya jinan

50

Ji bo pêşxistina aboriya jinan û peydakirina derfetên kar ji jinan re, Komîteya Aboriyê ya Şedadê firinek vekir.

Komîteya Aboriyê ya Jinan ya navçeya Şedadê bi vekirina projeyan piştgiriya jinan dike.

Vê dawiyê bi desteka Desteya Aboriyê firûnek hat vekirin. Firûn bi peymana di navbera Xedîce Ehmed û Fatima Ewad û Komîteya Aboriyê de çêbû.

Derbarê mijarê de Xedîce Ehmed wiha got: “Ev firûn xewna min bû, lê rewşa

aborî rê nedida. Projeya firûnê serkeftî bû, lewre herêm mezin e û pêwîstiya wê bi miqdarekî mezin ya nan heye. Piştî ku em pêwîstiyên şêniyan bi cih tînin, em her nanî bi 100 lîreyên Sûriyê difiroşin xwaringehan.”

Endama Komîteya Aboriya Jinan ya navçeya Şedadê Menar Ilêwî diyar kir ku firûn bi alîkariya du jinên ji gundewarê Şedadê vekirine û got, pereyên 3 mehên destpêkê ji sedî 5 ji Desteya Aborî re ye ango piraniya pereyên ku firûn 3 mehên destpêkê derxe, ji her du jinan re ne.”

Menar Ilêwî diyar kir ku armanca wan ew e ku piştgiriya aboriya jinan bikin, derfetên kar ji wan re peyda bikin û got, em hewl didin vê projeyê berfireh bikin û endaman zêdetir bikin.

ANHA