Navenda nûçeyan/Qamişlo
21`ê Çileya 2014an li rojavayê Kurdistanê Rêveberiya Xweser hat ragihandin. Lê heta niha ji aliyê dewletan ve bi fermî nehatiyê qebûlkirin. Berî niha ji bo qebûlkirina Rêveberiya Xweser li ser tora civakî kampanyayek li ser asta cîhanê hat destpêkirin û ket rêza 3’yan.
Têkildarî mijarê nivîskar Ebdulhelîm Ehmed Lawî bal kişand ser rola Rêveberiyê Xweser ya di şoreşa rojavayê Kurdistanê de û got, ji dema ragihandina rêveberiyê ve gelek kar û xebat li Rojava kirine û her ku diçe keda vê rêveberiyê li Rojava pirtir dibe. Herwiha gelek sazî û rêxistinên Rêveberiya Xweser li Rojava hatine avakirin. Ev sazî jî bi keda şehîdan û bi berxwedana gelê herêmê heta niha li ser kar in. Li bakur û rojhilatê Sûriê heta niha ser 11 hezarî re şehîd çêbûne. Her ku diçe ev rêveberî li cîhanê baştir tê naskirin. Tevî ku demeke kurt e rêveberî hatî avakirin, lê di van çend salan de xwe nîşan da. Ji bo wê jî divê xweseriya wê bi awayekî fermî were qebûlkirin. Ku wisa bibe wê aloziya li Sûriyê jî zûtir were çareserkirin.
Ebdulhelîm behsa kampanya haştag ya ji bo naskirina Rêveberiya Xweser kir û wiha got:
“Ji bo qebûlkirina Rêveberiya Xweser ya bakur û rojhilatê Sûriyê, kampanya haştag di demeke kurt de bal kişand û bi sedhezaran mirov li seranserê cîhanê tevlî bûn. Herwiha gelek kesayetên siyasî yên navdar û berpirsên welatên din jî piştgirî dan kampanyayê. Bi tevlîbûna gelan kampanya li ser asta cîhanê ket rêza 3`yan û hê jî dewam dike.”
`Çima xweseriya bakur û rojhilatê Sûriyê bi awayekî fermî nayê Qebûlkirin..!`
Ebdulhelîm bîr xist ku hêzên navneteweyî li ser xweseriya bakur û rojhilatê Surî baş tev nagerin û wiha berdewamî da gotinên xwe; “Dema em behsa qebûlkirina Rêvebeiya Xweser dikin, em ne behsa dewleteke serbixwe dikin. Ev rêveberî ne ya Kurdan tenê ye, ya tevayiya gelan e. Êdî bes e pêwîst e ev rêveberî wek statûyeke fermî li Rojava were qebûlkirin. Tevî ku têkîlî di asta herî bilind de tê kirin, lê hêzên navneteweyî liv û tevgera wan derbarê rêveberiyê de kêm e. Şandeyên rêveberiyê ne bi serokên dinyayê tenê re hevdîtinan dikin, ji aliyê nûnerên Neteweyên Yekbûyî ve jî tên pêşwazîkirin. Em jî dibêjin dema ku bi vê astê têkîlî çêdibin, çima wê demê ev rêveberî bi statûyeke fermî nayê qebûkirin! Ev nakokîyek e û metirsî ye.”
‘ENKS li dijî yêkîtiya kurdî û statûya Rêvebiriya Xweser e’
Nivîskar Ebdulhelîm Ehmed Lawî da zanîn ku ji despêka şoreşê heta roja îro ENKS li dijî statûya Rêveberiya Xweser e û axaftina xwe wiha qedand: “Ti caran ENKSê ji bo neteweya Kurdan hewl nedaye û yekîtiyê jî naxwaze. Herwiha serkeftinên li rojavayê Kurdistanê çêbûyîn, tev bi ked û têkoşîna şervanên YPG û YPJê çêbûne. Lê heta ku di nava partiyên Kurdan de yekîtî çênebe, xweseriya Kurdan ji aliyê cîhanê ve nayê qebulkirin. Ji bo wê divê her kes li gorî vê rastiyê tev bigere.”