DYA’yî bi dizî bi Talîbanê re hevdîtin kir

223

Li gorî îdîaya rojnameya New York Timesê, rêveberiya DYA’yê bi rengekî dizî bi Talîbanê re hevdîtinek kir.
Li gorî nûçeya ji aliyê rojnameya New York Times ve hate weşandin, nûnerên Dewletên Yekbûyî yên Amerîka (DYA) û Talîbanê, li Qatarê bi rengekî dizî li hev rûniştin.
Li gorî îdîaya rojnameyê, nûnera taybet a başûrê Asyayê ya DYA’yê Alîce Wells û gelek dîplomatên Amerîkî, hefteya bihûrî bi du nûnerên Talîbanê re rûniştin.
Rojnameyê di nûçeya xwe de îdîa kir ku li ser qedandina şerê navxweyî yê li Afganîstanê hatiye axaftin û diyar kir ku Wezareta Karên Derve ya DYA’yê negotiye ku ev hevdîtin derew e. Di brîfîngeke çapemeniyê ya wezaretê de hatibû gotin ku Alîce Wells serdana Qatarê kiriye.
Ji rayedarên Afgan Ataûllah Salîm jî diyar kir ku haya wî ji hevdîtineke wiha nîne, lê hevdîtinên bi vî rengî divê werin kirin.
NYT’ê beriya çend hefteyan ragihandibû ku Serokê DYA Donald Trûmp hin dîplomatên payebilind wezîfedar kiriye ji bo yekser bi Talîbanê re rûnên.
Rêveberiya DYA’yê heta niha li dijî hevdîtina bi Talîbanê re bû.